ओली नक्कली एमाले हुन, हामी सक्कली हौंः माधव नेपाल

सिंहदरबार संवाददाता
२०७८ बैशाख १४, मंगलवार १७:१९

नेकपा एमालेका बरिष्ठ नेता तथा पूर्व प्रधानमन्त्री माधव कुमारले आफुहरु सक्कली एमाले भएको बताएका छन् । नवलपुरको कावासोतीमा कार्यकर्ता भेलालाई सम्बोधन गर्दै बरिष्ठ नेता नेपालले केपी ओली नक्कली एमाले भएको र आफुहरु सक्कली एमाले भएको दावी गरेका हुन् ।

ओलीले कम्युनिष्ट आन्दोलन समाप्त पार्न लागेकाले पार्टी र आन्दोलन जोगाउन आफुहरु लागिपरेको पनि बताए । उनले भने, ‘ओली कम्युनिष्ट आन्दोलन ध्वस्त पारेर कमिशनखोरी र भ्रष्टाचारीको संरक्षण गर्न रमाएका छन् ।’

आफुहरु पार्टी एकताका पक्षमा रहेको र ओलीले पार्टी विभाजन गर्न चाहेको पनि उनले बताए । ‘हामी पार्टी एकताका पक्षमा छौं, अदालतको निर्णय अनुसार पुनः एक भएर देश र जनताका पक्षमा काम गर्न चाहान्छौं तर ओलीले कथित कारवाहीका नाममा पार्टी विभाजन गर्न खोजिरहेका छन् ।’, नेता नेपालले भने ।

उनले कोरोनाका कारण जनताको अवस्था नाजुक बनेको तर ओलीले विदेशी शक्तिलाई रिझाउनै आफ्नो शक्तिको दुरुपयोग गरेको आरोप पनि उनले लगाए ।

प्रतिक्रिया दिनुहोस्