सिंहदरबार संवाददाता
काठमाडौं । नेकपा(एमाले)का बरिष्ठ नेता तथा पूर्व प्रधानमन्त्री माधव कुमार नेपालले कोरोनाका कारण श्रमिकहरुले भोग्दै आएको समस्या सम्बोधनका लागि सरकारसँग अपिल गरेका छन् ।
१३२ औं अन्तराष्ट्रिय श्रमिक दिवसका अवसरमा वक्तव्य जारी गर्दै बरिष्ठ नेता नेपालले कोरोना कालमा समस्यामा परेका श्रमिकहरुको रेखदेखका लागि सरकारसँग अपिल गरेका हुन् । उनले समाजवाद उन्मुख अर्थव्यवस्था निर्माणका आधार नै श्रमिक वर्ग भएको पनि बताए ।
उनले न्युनतम पारिश्रमिक, सामाजिक सुरक्षा र श्रम कानुनमा गरिएका व्यवस्था कार्यान्वयनको आवश्यकता पनि औल्याएका छन् ।
ठूलो संख्यामा युवा जनशक्ति विदेशिएकोमा चिन्ता व्यक्त गर्दै उनले स्वदेशमा रोजगारीको अवसर र युवाहरुको ज्ञानशिपको उपयोग गर्ने वातावरण तयार गर्नुपर्नेमा पनि जोड दिएका छन् ।
साथै, कम्युनिष्ट पार्टीको एकता जोगाउन श्रमिक वर्गको सक्रियताको आवश्यकता पनि नेता नेपालले औल्याएका छन् ।
प्रतिक्रिया दिनुहोस्