Shikhar Insurance

धितोपत्र बोर्ड अध्यक्षको अन्तरवार्तामा तीन जना अनुपस्थित, २ जनाको सकियो  

रोशनी तामाङ
२०८१ असार २, आईतवार १२:४९
NIMB
Nabil Bank

काठमाडौं । धितोत्रप बोर्डको अध्यक्ष बन्न आइतबार २ जना मात्रै सहभागी भएका छन् । राष्ट्रिय योजना आयोगको सभाहलमा पाँच प्रतिष्पर्धीमध्ये २ जना मात्रै सहभागी भएका हुन् । अन्तरवार्ता र कार्ययोजना प्रस्तुतिकरण गर्न प्रतिस्पर्धी सन्तोषनारायण श्रेष्ठ बिहान ९ बजे नै उपस्थित भएका थिए । अर्का प्रस्तिपर्धी धितोपत्र बोर्डका निर्देशक  मुक्तिनाथ श्रेष्ठ सवा ११ बजेट आयोग पुगेका थिए ।

अन्तरवार्ता र कार्ययोजना प्रस्तुतिकरण सक्काएर सन्तोष नारायण श्रेष्ठ योजना आयोगबाट बाहिरीसकेका छन् ।  योजना आयोगको सभाहलमा अन्तर्वार्ता र कार्ययोजना प्रस्तुतिकरणको मूल्यांकन गर्न राष्ट्रिय योजना आयोगको उपाध्यक्ष डा. मिन बहादुर श्रेष्ठ, अर्थसचिव मधुकुमार मरासीनी र विज्ञ सदस्य उदय निरौला सहभागी छन् । छनौट समितिले बाँकी तीन जना प्रतिस्पर्धीलाई पर्खिरहेको योजना आयोग स्रोतले जनाएको छ ।

Citizen Life
Kumar Bank

उनीहरु आइतबार अन्तरवार्तामा सहभागी नहुने बुझिएको छ । उपस्थित नहुनेहरुमा नेपाल स्टक एक्सचेन्ज (नेप्से) का कार्यकारी अधिकृत (सिइओ) कृष्ण बहादुर कार्की, साबिकको बिमा समिति हालको बिमा प्राधिकरणका अध्यक्ष चीरन्जीवी चापागाई र धितोपत्र बोर्डका अध्यक्ष डा. नवराज अधिकारी रहेका छन् ।

समितिले आज अन्तरवार्ता लिएर तीन जनाको नाम आजै मन्त्रिपरिषद पठाउने र सोमबार नै नियुक्ति गर्ने योजना बनाएको छ । तर अन्तर्वार्तामा उम्मेदवारहरु नै सहभागी नभएपछि छनौट प्रकृया अन्योल बनेको छ । छनौट समितिले शुक्रबार एक सुचना जारी गर्दै आइतबार बिहान ९ बजेका लागि सबै उम्मेदवारलाई बोलाएको थियो ।

GBIME
siddhartha bank

प्रतिक्रिया दिनुहोस्