सिंहदरबार संवाददाता
काठमाडौं । ई–कमर्स प्लेटफर्म रिचार्जरले अक्सिन सिलिन्डर र कन्सन्ट्रेटर भाडामा उपलब्ध गराउने भएको छ । नेपाली बजारमा कोभिड सम्बन्धी उपकरण सस्तो मुल्यमा उपलब्ध गराउँदै आएको रिचार्जरले महँगो मूल्यका उपहरणको पहुँच नभएकाहरुलाई भाडामा उपकरणहरु उपलब्ध गराउने भएको हो ।
१० लिटर क्षमताको अक्सिजन सिलिन्डर प्रति दिन २५० र ४० लिटर क्षमताको प्रति दिन ३७५ रुपैयाँमा भाडामा उपलब्ध हुनेछ । त्यसै गरी ५ लिटर क्षमताको अक्सिजन कन्सन्टेटर प्रति दिन ५०० रुपैयाँ र १० लिटर क्षमताको प्रतिदिन १ हजार रुपैयाँमा भाडामा उपलब्ध गराउने रिचार्जरले जनाएको छ ।
आपसी सहमतीमा धरौटी लिएर अक्सिजन सिलिन्डर र कन्सन्ट्रेटर भाडामा उपलब्ध गराउने व्यवस्था गरिएको छ ।
यसका साथै सिलिन्डर खरिद गर्न चाहनेहरुलाई रिचार्जरले १० लिटरको अक्सिजन सिलिन्डर ९ हजार ५ सय र ४० लिटरको १४ हजार ५ सय रुपैयाँमा उपलब्ध गराउने छ ।
रिचार्जरमा अर्डर गरिएका कोभिड उपकरणका साथै अन्य वस्तुहरु उपत्यकामा १ घण्टा र मुलुकभर २४ घण्टामा डेलिभरी दिनेछ ।
बन्दाबन्दी खुकुलो हुँदै जाँदा रिचार्जरले घर ,अफिस, स्कुल, होटल,अस्पताल वा डोनेसनको लागी थोकमा कोभिड उपकरण चाहिएको अवस्थामा सहजै उपलब्ध गराउने जनाएको छ । यसका लागि दरबारमार्गस्थित रिचार्जरको कार्यालयमा सम्पर्क गर्न सकिनेछ ।
प्रतिक्रिया दिनुहोस्