Shikhar Insurance

अटोमोबाइल मार्केट रेस्क्यु भैसक्यो, १० प्रतिशत पैसा तिरेर नागरिकले मोटर किन्न पाउनुपर्छ

कृष्णप्रसाद दुलाल
२०७८ श्रावण ३, आईतवार १२:२६
NIMB
Nabil Bank

दई वर्षदेखि कोरोनाका कारण सबै पेशा व्यवसाय प्रभावित छन् । अटोमोबाइल क्षेत्र पनि अत्याधिक प्रभावित भैरहेको छ । कोरोनाले सबै भन्दा धेरै प्रभावित पारेको क्षेत्र नै अटोमोबाइल नै हो । हाम्रो व्यापार व्यवसाय प्रायः चौपट छ ।

अहिले दशैं तिहार लगायतका चाडबाड आउँदैछन् । यो भनेको सबै व्यवसाय फस्टाउने समय हो । अझ अटोमोबाइलको लागि त यो महा दशैं नै हो । यो अवसरको सदुपयोग गर्दै गुमेको व्यवसायीक लय फेरी फर्काउने प्रयास गर्नुपर्छ ।

Citizen Life
Kumar Bank
Nepal Life

कोरोनाको तेश्रो लहरको त्रास बढेको छ । तर संयमित, अनुशासित र सुरक्षित भएर व्यवसाय सञ्चालन गर्नुको विकल्प हामीसँग छैन् । खोप आईरहेकाले थप आशा पनि बढेको छ । हामीले अटोमोबाइल क्षेत्रसँग सम्वद्ध व्यवसायी र कामदारलाई पनि फ्रन्टलाइनरका रुपमा खोप चाहिन्छ भनेर माग गरेका छौं । हाम्रो माग प्रति सम्वद्ध निकायले सकारात्मक सन्देश पनि पठाएको छ । सवारी साधन चालकदेखि शोरुमका कर्मचारीहरुलाई खोप दिनुपर्छ ।

सरकारले नयाँ बजेट ल्यायो । नेपाल राष्ट्र बैंकले मौद्रिक नीति ल्याउँदैछ । आर्थिक गतिबिधीहरु पनि विस्तारै चलायमान हुँदैछन् । यसले अटोमोबाइल क्षेत्रको व्यवसाय पनि बढ्ने संकेत देखिएका छन् । अहिले अटोमोबाइलको मार्केट रेस्क्यु भैसक्यो, दशैं तिहारले गुल्जार बनाउँछ । अहिले अटोमाबाइल भनेको आवश्यकताको वस्तु भैसकेको छ । डिमाण्ड अनुसार उपलब्ध गराउन सक्छौं की सक्दैनौं भन्ने चुनौती थपिएको छ ।

मौद्रिक नीतिले डाउनपेमेन्टको सुबिधा अलि थपिदिए हुन्थ्यो भन्ने छ । १० प्रतिशत तिरेर नागरिकले गाडी चढ्न पाउनुपर्छ । विदेशमा एक प्रतिशतमा गाडी चढ्न पाइन्छ । हामीले १० प्रतिशत तिरेपछि गाडी चढ्ने सुबिधा नागरिकलाई दिनुपर्छ भनेका छौं । सरकारले २०।३० प्रतिशत कायम गरिदिए पनि हुन्छ । तर अहिलेको जस्तो ५० प्रतिशत तिर्नुपर्ने व्यवस्था भने हट्नुपर्छ ।

२०।२५ हजार तलबको जागिर खानेले पनि मोटरसाइकल चढ्न पाउनुपर्छ । जग्गा बेचेर आएकाहरुले त ५० प्रतिशत मात्रै किन पुरै पैसा नै तिर्न सक्छन् । न्युन आय भएका तर व्यक्तिगत सवारी साधन चढ्नै पर्ने बाध्यतामा भएकाहरुलाई हो १० प्रतिशतको सुबिधा चाहिने पनि । हामी आशावादी छौं, दशैं तिहारले अटोमोबाइल व्यवसायलाई पुनः चलायमान बनाउनेछ । (नाडा अटोमोबाइल्स एसोसियसन अफ नेपालका अध्यक्ष दुलालसँग गरिएको कुराकानीमा आधारित)

GBIME

प्रतिक्रिया दिनुहोस्