अमेरिकामा कोरोना खोप लगाउनेलाई उल्टै एक सय डलर भत्ता

सिंहदरबार संवाददाता
२०७८ श्रावण १५, शुक्रबार ०९:२४

काठमाडौं अमेरिकामा कोरोना विरुद्धको खोप लगाउनेहरुले उल्टै एक सय डलर भत्ता पाउने भएका छन् । अमेरिकी राष्ट्रपति जो बाइडनले कोरोनाविरुद्धको खोप लगाउने व्यक्तिलाई १ सय डलर दिन राज्यहरुलाई आह्वान गरेका हुन् । कोरोनाको संक्रमण बढिरहेको र नागरिकहरुमा खोप लगाउने चाहना घटेपछि बाइडनले भत्ता आव्हान गरेका हुन् ।

राज्यहरुले कोरोना विरुद्ध खोप लगाउने नागरिकहरुलाई प्रति व्यक्ति एक सय डलर दिएमा सो रकम अमेरिका रेस्क्यु प्लानबाट सोधभर्ना पाउनेछन् । अमेरिकामा डेल्टा भेरियन्टको संक्रमण  व्यापक मात्रामा फैलिईरहेको छ । राष्ट्रपति जो बाइडनका प्रमुख चिकित्सा सल्लाहकार डा. एन्थोनी फाउचीले अमेरिका गलत दिशामा हिंडिरहेको बताईसकेका थिए ।

प्रतिक्रिया दिनुहोस्