सिंहदरबार संवाददाता
काठमाडौं । नेकपा(एमाले)का उपाध्यक्ष बामदेव गौतमले पनि केपी ओलीको साथ छाडेका छन् । एमाले एकता जोगाउन राष्ट्रिय एकता अभियान सञ्चालन गर्दै आएका गौतमले पनि अन्ततः माधव नेपाल नेतृत्वको नेकपा(एकिकृत समाजवादी)का पक्षमा उभ्याएका हुन् ।
गौतमको सहयोगी विश्वमणी सुवेदीले माधव नेपाल, झलनाथ खनाल र बामदेव गौतमको नेकपा(एकिकृत समाजवादी) पार्टीको लोगोसहितको फोटो सार्वजनिक गरेका छन् ।
बामदेवले केहि दिन अघि आफु नेतृत्वको एकता अभियानका कार्यकर्ताहरुसँगको भर्चुअल छलफलमा ओलीसँग जान नसकिने धारणा राखेका थिए । गौतम निकट अधिकांश कार्यकर्ताहरुले पनि उनलाई नेपाल नेतृत्वको पार्टीमा लाग्न भनेका थिए । सोही अनुसार गौतमले अन्ततोगत्वा नेपाल नेतृत्वको नेकपा(एकिकृत समाजवादी) पार्टी रोजेको बताइन्छ ।
प्रतिक्रिया दिनुहोस्