सिंहदरबार संवाददाता
काठमाडौं । माधव कुमार नेपाल नेतृत्वको नव गठित नेकपा(एकिकृत समाजवादी) पार्टी तत्कालै सरकारमा जाने भएको छ । नेपाल नेतृत्वको पार्टी आधा दर्जन मन्त्रालय सम्हाल्ने गरि सरकारमा सहभागी हुने लागेको हो । ‘हामी यसै हप्ता सरकारमा जाँदैछौं, देश र जनताको मन जित्ने गरि काम गर्नेछौं’, पार्टी अध्यक्ष नेपालले पोखरा पुगेर भने ।
श्रोतका अनुसार अध्यक्ष नेपालले पार्टीका तर्फबाट सरकारमा मन्त्री पठाउन मापदण्ड बनाएका छन् । सोही मापदण्ड अनुसार भौगोलिक, जातिय र लैंगिक सहभागीता सुनिश्चित हुने गरि सरकारमा मन्त्रीहरु पठाउनेछन् । मन्त्रीहरुका लागि छुट्टै आचार संहिता समेत तयार पारिएको छ ।
सांसदहरु बिरोध खतिवडा, कल्याणी खड्का, मेटमणी चौधरी, प्रेम आले, किसान श्रेष्ठ, भवानी खापुङ , रामकुमारी झाक्री, जीवनराम श्रेष्ठ, मेटमणी चौधरी लगायतमध्येबाट मन्त्री हुने सम्भावना रहेको छ । नेपाल नेतृत्वको एकिकृत समाजवादी पार्टीले ६ वटा मन्त्रालय दावी गरेको छ र गठबन्धनमा त्यसबारे मोटामोटी समझजदारी पनि भैसकेको छ ।
भौतिक पूर्वाधार तथा याताया मन्त्रालय, उद्योग बाणिज्य तथा आपूर्ति मन्त्रालय, सञ्चार तथा सूचना प्रविधि मन्त्रालय लगायतका मन्त्रालयहरु आफ्नो पार्टीले पाउनुपर्ने अध्यक्ष नेपालले बताउँदै आएका छन् ।
प्रतिक्रिया दिनुहोस्