सिंहदरबार संवाददाता
काठमाडौं । माछापुच्छ्रे बैंकले १४ प्रतिशत लाभांश दिने भएको छ । लाभांश घोषणा गर्ने माछापुच्छ्रे पहिलो बैंक बनेको हो ।
आर्थिक वर्ष २०७७/७८ को नाफाबाट बैंकको सञ्चालक समितिले सो मात्राको बोनस सेयर दिने भएको हो ।
असोज ६ गते बसेको सञ्चालक समितिको वैठकले सेयरधनीलाई चुक्तापुँजीको १३.३ प्रतिशत बोनस सेयर र ०.७ प्रतिशत कर प्रयोजनको नगद लाभांश दिने निर्णय गरेको हो ।
प्रस्तावित लाभांश राष्ट्र बैंकको स्विकृति र वार्षिक साधारणसभाले पारित गरेपछि वितरण हुनेछ ।
माछापुच्छ्रे बैंकले गत आर्थिक वर्ष २०७७/७८ मा १ अर्ब ६३ करोड रुपैयाँ खुद मुनाफा आर्जन गरेको थियो जसमध्ये वितरण योग्य नाफा १ अर्ब १३ करोड रुपैयाँ छ । ९ अर्ब ५ करोड रुपैयाँ चुक्ता पुँजी रहेको बैंकको अब चुक्तापुँजी १० अर्ब ७६ करोड रूपैयाँ पुग्नेछ ।
प्रतिक्रिया दिनुहोस्