नीतिलाई निरन्तरता दिन अर्थमन्त्रीलाई गाडी व्यापारीको माग

सिंहदरबार संवाददाता
२०७८ कार्तिक २८, आईतवार १८:३०

काठमाडौं। नाडा अटोमोबाइल्स एसोसिएसन अफ नेपालले सरकारले ल्याएको प्रतिस्थापन बजेट अटोमोबाइल व्यवसायमा सकारात्मक प्रभाव परेको जनाएको छ । आइतबार अर्थमन्त्री जनार्दन शर्मासँगको भेटमा नाडाका प्रतिनिधिमण्डलले सवारी साधानको आयातमा सतप्रतिशत वृद्धि भएको भन्दै सरकारका नीतिलाई निरन्तरता दिन आग्रह समेत गरेको छ ।

नाडाले चालु आर्थिक वर्षमा सवारी साधनको आयातमा अझ वृद्धि हुने अपेक्षा गरेको छ । नाडाका अनुसार आर्थिक वर्ष २०७६\७७ को तुलनामा २०७७\७८ मा सवारी साधनको आयातमा सतप्रतिशत वद्धि भएको छ ।

प्रतिक्रिया दिनुहोस्