सिंहदरबार संवाददाता
काठमाडौं । एलन मस्कले टेस्लाको १.०२ अर्ब डलर बराबरको सेयर बेचेका छन् । संसारकै धनी व्यक्ति मस्कले मंगलबार ९ लाख २४ हजार कित्ता सेयर बेचेका हुन् ।
मस्कले विद्युतीय कार निर्माता कम्पनीमा आफ्नो स्वामित्व १० प्रतिशतले घटाउने योजना बमोजिम सेयर बेचेका हुन् । उनले कर तिर्न सेयर बेचेको बताइएको छ । मस्कले नोभेम्बर देखि निरन्तर सेयर बेच्न थालेका छन् ।
मस्कले ११ अर्ब डलर कर तिर्ने घोषणा डिसेम्बरमा गरेका छन् । अमेरिकामा अर्बपतिहरूले कम कर तिर्ने गर्छन् । मस्कले पनि कर तिर्न आनाकानी गरिरहेको विषय अमेरिकी सिनेटरहरूले उठाइरहेका छन् ।
रोयटर्सका अनुसार मस्कले नोभेम्बरयता १६.४ अर्ब डलरको सेयर बेचिसकेका छन् ।
प्रतिक्रिया दिनुहोस्