सेबोन र लगानीकर्ताबीच कुरा मिल्यो, कार्यान्वयन समिति बनाएर अनसन तोडिने

सिंहदरबार संवाददाता
२०७९ असार ८, बुधबार १५:५४

काठमाडौं । आन्दोलनमा रहेका लगानीकर्ता र नेपाल धितोपत्रबीच कुरा मिलेको छ । बोर्ड लगानीकर्ताको माग सम्बोधन गर्न तयार भएपछि लगानीकर्ता आन्दोलन र आमरण अनसन बसेका तिलक कोइरालाको अनसन टुंगिने भएको हो ।

“सेबोन र आन्दोलनमा रहेका लगानीकर्ताबीच वार्ता टोली गठनको सैद्धान्तिक सहमति भएको छ,” एक लगानीकर्ताले सिंहदरबारसँग भने, “सो समितिलाई वार्ता टोली नभएर माग कार्यान्वयन समिति भनिनेछ । सम्भवतः केही समयमै अनसन तोडिने छ ।”

“जीवन भन्दा ठूलो सम्पती होइन, हामीले तिलक जी को जिवनको मूल्य लगानिकर्ताको सम्पती भन्दा माथि राखेर अनशन तोड्ने निर्णय गरेका हौं,” कोइरालालाई समर्थन गर्ने १० मध्ये १ संघका अध्यक्षले भने, “५२ लाख लगानीकर्तामध्ये केही लगानीकर्ता आन्दोलनलाई साथ दिन आउनु पनि भयो । तर, मान्छेको ज्यानभन्दा ठूलो सम्पत्ति हुँदै होइन ।”

उनले लगानिकर्ताको सम्पत्ति संरक्षणको लागि तिलक कोइरालाको जीवन दाउमा राख्न मानवताले नदिएको पनि बताए ।

लगानीकर्ताले केहीबेरमा बोर्ड अध्यक्ष रमेश हमाललाई ज्ञानपत्र बुझाउने छन् । हमाल अनसन स्थलमै आएर लगानीकर्ता कुरा सुन्नेछन् ।

लगानीकर्ताहरू २ साताभन्दा बढी समयदेखि १९ बुँदे माग राखेर आन्दोलन गरिरहेका छन् भने आन्लोलनरत लगानीकर्ता मध्ये १ तिलक कोइराला असार १ गतेदेखि बोर्डको मुलगेट अगाडि आमरण अनसन बसिरहेका छन् ।

प्रतिक्रिया दिनुहोस्