सेनासँग छ अतिरिक्त ६९ अर्ब रुपैयाँ, बैंकको ब्याजदर घटबढमा मुख्य भूमिका

सिंहदरबार संवाददाता
२०७९ आश्विन १, शनिबार ०८:५१

काठमाडौं । सैनिक कल्याणकारी कोषको यथार्थ सम्पत्ति ६९ अर्ब तीन करोड ७९ लाख पुगेको छ । नेपाली सेनाद्वारा  आयोजित पत्रकार सम्मेलनमा कोषमा नगद मौज्दात ६२ अर्ब ६८ करोड ८९ लाख पुगेको जानकारी दिइयो ।

विसं २०७८ असार मसान्तसम्ममा कोषमा नगद मौज्दात ५४ अर्ब १२ करोड ७५ लाख थियो । उक्त नगद मौज्दात ‘क’ वर्गका २९ वटा वाणिज्य बैंकमा रहेको छ । कोषको मुख्य आयस्रोत भनेको संयुक्त राष्ट्रसङ्घीको आह्वानमा शान्ति कार्यमा गरेको योगदानबाट प्राप्त हुने रकम हो । विसं २०३२ मा शान्ति सेनामा सहभागी भएवापत प्राप्त एक करोड २४ लाख एक हजारबाट कोष स्थापना गरिएको थियो ।

सैनिक कल्याणकारी कोषबाट करिब १० लाखको सङ्ख्यामा रहेका हिताधिकारीलाई स्वास्थ्य, शिक्षा, सुविधा तथा सहुलियत र सीप तथा स्वरोजगारीका विभिन्न कार्य सञ्चालन भइरहेको सहायकरथी विजय थापाले जानकारी दिए । सैनिक कल्याणकारी कोषको रकम विगतमा ८५ करोड जोखिममा रहेकामा हाल त्यो घटेर करिब पाँच करोडमा सीमित रहेको जानकारी दिइयो । सेनाले कोषको पारदर्शितालाई उच्च प्राथमिकतामा राखेको छ ।रासस

प्रतिक्रिया दिनुहोस्