दशैँ बिदामा पनि बैंकिङ सेवा दिँदै २४ वाणिज्य बैंक, कुन शाखा कहिले खुल्ने ?

काठमाडौं । २०७९ सालको दशैँ बिदा असोज १६ गते आइतबार फूलपातीसँगै शुरु भएको छ । दशैँको बिदा शुरु हुनुभन्दा अघि असोज १५ गने शनिबारको सार्वजनिक बिदा परेको थियो । त्यसैले यसपटकको दशैँ बिदा गत शुक्रबार अर्थात् असोज १४ गतेदेखि नै शुरु भएको हो
।
दशैँ बिदा शुरु भएसँगै बैंक तथा वित्तीय संस्थाहरु पनि बन्द छन् । तर, केही बैंकहरुले भने शुक्रबारसम्म बैंकिङ कारोबार गर्न छुटेका वा दशैँ बिदाबीचमै आवश्यक बैंकिङ कारोबार गर्नु पर्ने ग्राहकलाई सेवा दिन केही शाखा कार्यालय खुला गरेका छन् । यसरी दशैँ बिदामा पनि बैंकिङ सेवा दिन तयार अधिकांश बैंकहरुले भने टिकाको दिन अर्थात् असोज २१ गते भने खुला गरिएका शाखा कार्यालय बन्द राख्ने उल्लेख गरेका छन् ।

दशैँ बिदामा खुला हुने अधिकाँश बैंकका शाखामा ग्राहकलाई निक्षेप झिक्ने र राख्ने वाहेकका अत्यावश्यक कारोबार मात्र हुने बैंकहरुले जनाएका छन् । यसरी दशैँ बिदामा उपत्यका र बाहिरका केही प्रमुख स्थानहरु गरी वाणिज्य बैंकहरुले सातै प्रदेशमा कार्यतालिका बनाएर बैंकिङ सेवा प्रवाह गर्ने छन् । दशैँ बिदामा नेपाल एसबिआइ बैंक र स्टयाण्डर्ड चार्डर्ड बैंक बाहेक सबै वाणिज्य बैंक र केही राष्ट्रियस्तरका विकास बैंकहरु समेत खुला रहेने छन् ।

दशैँ बिदामा पनि शाखा कार्यालय खुला गर्ने बैंकले डिजिटल बैंकिङलाई प्रोत्साहन गर्दै बिहाल १० बजेदेखि दिउँसो ३ बजेसम्म भौतिक बैंकिङ सेवा समेत दिने भएका हुन् ।

दशैँ बिदामा २४ वाणिज्य बैंकको कुनै शाखा कहिले खुला

सिटिजन्स बैंकः