Shikhar Insurance

नक्कली भुटानी शरणार्थी प्रकरणमा ३० जनाविरुद्ध मुद्दा दायर, करिब २९ करोड बिगो दाबी

सिंहदरबार संवाददाता
२०८० जेष्ठ १०, बुधबार १७:२८
NIMB
Nabil Bank

काठमाडौं । नक्कली भुटानी शरणार्थी प्रकरणमा बुधबार जिल्ला सरकारी वकिलको कार्यालय काठमाडौंमा ३० जनाविरुद्ध  मुद्दा दायर गरेको छ ।

आज जिल्ला सरकारी वकिलको कार्यालयले नेपाली नागरिकलाई भुटानी शरणार्थी बनाएर अमेरिका लैजाने ठगी प्रकरणमा ३० जना प्रतिवादीविरुद्ध जिल्ला सरकारी वकिल कार्यालयमा अभियोग पत्र दायर गरेको हो ।

Citizen Life
Kumar Bank
Nepal Life

उनीहरूलाई  किर्ते,  राज्यविरुद्धको अपराध, ठगी, संगठित अपराध र एकीकृत कसुरमा मुद्दा दर्ता गरेको हो । प्रहरीले चारवटा अभियोगमा मुद्दा दर्ता गर्न सिफारिस भए पनि जिल्ला सरकारी वकिल कार्यालयले किर्तेसम्बन्धी थप मुद्दा पनि दायर गरेको छ ।

काठमाडौं जिल्ला अदालतमा दर्ता गरिएको मुद्दामा आरोपितहरूबाट २८ करोड ८१ लाख रुपैयाँ बिगो दाबी गरिएको छ ।

उक्त प्रकरणमा प्रतिनिधिसभा सदस्य टोपबहादुर रायमाझी, कांग्रेस नेता बालकृष्ण खाँण, पूर्वसभासद आङटावा शेर्पा, गृह मन्त्रालयका तत्कालीन सचिव टेकनारायण पाण्डे, तत्कालीन गृहमन्त्री रामबहादुर थापाका सुरक्षा सल्लाहकार इन्द्रजित राईलगायत ३० जनाविरुद्ध मुद्दा दर्ता गरिएको हो । मुद्दा दर्ता गरिएकामध्ये १६ जना पक्राउ परेका छन् भने १४ जना फरार छन् ।

GBIME

प्रतिक्रिया दिनुहोस्