Shikhar Insurance

१० अर्बको ‘एनआरएन डेभलपमेन्ट फन्ड’ दर्ता, एनआरएनलाई डलरमा आईपीओ

सिंहदरबार संवाददाता
२०७७ चैत्र १७, मंगलवार २०:२३
NIMB
Nabil Bank

काठमाडौं । गैरआवासीय नेपाली सङ्घ (एनआरएनए)को अगुवाईमा ‘एनआरएन डेभलपमेन्ट फन्ड’ दर्ता भएको छ । १० अर्ब पुँजीको फण्डलाई कम्पनी रजिस्ट्रारको कार्यालयले चैत १७ गते दर्ता प्रमाणपत्र दिएको हो । कम्पनीमा नेपाल सरकारले पाँच प्रतिशत अर्थात ५० करोड रुपैयाँ लगानी गर्ने प्रतिवद्धता व्यक्त गरेको छ । १५० जना भन्दा बढी एनआरएनहरुले एक अर्ब ५० करोड रुपैयाँ भन्दा बढी रकम लगानी गर्ने प्रतिवद्धता व्यक्त गरिसकेको एनआरएनका सल्लाहकार अनलराज भट्टराईले जानकारी दिए ।

८५ प्रतिशत लगानीका निम्ति गैरआवासीय नेपालीलाई लक्षित गरी छिट्टै प्राथमिक सेयर (आईपीओ) निष्काशन हुनेछ । त्यस्तो आईपीओ डलरमा पनि निष्काशन हुन सक्ने सल्लाहकार भट्टराईले बताए । विश्वभर फैलिएर रहेका दसौँ लाख नेपालीको सहभागीतामा फण्डले पूर्वाधार क्षेत्रमा लगानी गर्ने पनि उनले बताए ।

Citizen Life
Kumar Bank

विदेशमा रहेका नेपालीहरुको रकमलाई देश विकासमा लगाउने उदेश्यले स्थापना भएको कम्पनीलाई नेप्सेमा वा विदेशको कुनै ठूलो स्टक एक्सचेञ्जमा सूचिकृत गराउनेबारे पनि छलफल अघि बढेको उनले जानकारी दिए ।

GBIME
siddhartha bank

प्रतिक्रिया दिनुहोस्