Shikhar Insurance

चोरीका हतियारसहित तीन जना पक्राउ

सिंहदरबार संवाददाता
२०८० मंसिर २२, शुक्रबार १७:५९
NIMB
Nabil Bank

काठमाडौं । चोरीका दुई नाल हतियारसहित तीन जनालाई पक्राउ परेका छन् । प्रहरीले उपत्यकाका विभिन्न स्थानबाट घरेलु हतियारसहित चोरीमा संलग्न सुनसरी बराह नगरपालिका ३ निवासी ३६ वर्षका दिलीप माझी, कामपा १३ निवासी २१ वर्षीय कुशल मल्लिक र काभ्रेपलाञ्चोक धुलिखेल नगरपालिका ३ का २७ वर्षीया काजलकुमारी भुजेललाई पक्राउ गरेको हो ।

प्रहरीले उनीहरुको साथबाट दुई नाले बन्दुक एक थान, २२ बोरको राइफल एक थान, खुँडा दुई थान, खुकुरी छ थान, हँसिया एक थान, फलामको चुप्पी एक थान, बञ्चरो एक थान र मोटरसाइकलको सक दुई थान बरामद गरेको छ ।

Citizen Life
Kumar Bank
Nepal Life

प्रहरीले पक्राउ परेका व्यक्तिलाई डाँका चोरी तथा हातहतियार खरखजनासम्बन्धी कसुर मुद्दामा काठमाडौं जिल्ला अदालतबाट पाँच दिन म्याद थप गरी प्रहरी वृत्त कालिमाटीबाट अनुसन्धान भइरहेको जिल्ला प्रहरी परिसर काठमाडौंका प्रहरी उपरीक्षक कुमोध ढुङ्गेलले जानकारी दिए ।

यही मङ्सिर १६ गते कामपा १३ ताहचल बस्ने ७४ वर्षीय पुष्प जोशीको घरबाट इजाजत पत्रसहितको दुई नाले ४१० बोरको टोटावाल बन्दुक एक थान र २२ बोरको राइफल अज्ञात समूहले चोरी गरी लगेको थियो ।

GBIME

प्रतिक्रिया दिनुहोस्