Shikhar Insurance

आन्तरिक उडानमा दुईतर्फी यात्रुको सहभागिता बढ्यो, अङ्ग्रेजी नयाँ वर्षसँगै थपियो उत्साह

सिंहदरबार संवाददाता
२०७७ माघ २९, बिहीबार १२:४३
NIMB
Nabil Bank

सन् २०२१ को पहिलो महिना आन्तरिक उडानमा दुईतर्फी यात्रुहरुको सहभागितामा वृद्धि भएको छ । दुईतर्फी यात्रु सहभागिता बढ्नु हवाई सेवा कम्पनीका लागि उत्साहको विषय हो। भरतपुर विमानस्थलको दुईतर्फी यात्रु सहभागितामा समेत उल्लेख्य सुधार भएको छ । भरतपुर विमानस्थल उपत्यका बाहिरको प्रमुख पर्यटकिय स्थल सौराहाको वेस विमानस्थल हो ।

नागरिक उड्डयन प्राधिकरणको तथ्यांकअनुसार गत जनवरी महिनामा मौसमले कयौँ उडान रद्द हुँदा पनि भरतपुरमा विभिन्न एयरलाइन्सको दुई सय ५ वटा उडान र अवतरण भएका छन् ।

Citizen Life
Kumar Bank
Nepal Life

सो अवधिमा छ हजार ४ सय ७१ यात्रु भित्रिएका थिए भने छ हजार ७ सय २२ यात्रु बाहिरिएका थिए । यस अवधिमा भरतपुर विमानस्थलबाट १३ हजार १ सय ९३ ले सेवा लिएका छन् ।

डिसेम्बरमा १४ हजार ८ सय ८९ यात्रुले सेवा लिएका छन् । जनवरीमा हवाई यात्रुको सङ्ख्या कम हुनुमा मौसमको खराबीले कयौँ दिनसम्म उडान रद्द हुनु मुख्य कारण रहेको भरतपुर विमानस्थलले जनाएको छ ।

विमानस्थलका प्रमुख योगेन्द्र कुँवरले कोरोनाको महामारीपछि विस्तारै तुलनात्मकरूपमा हवाई यात्रुको सङ्ख्या बढिरहेको बताए । उनले भने, “चितवनमा हवाई उडानमा खर्च गर्ने नागरिकको क्षमता बढ्दै गएको छ । कोरोनाका कारणले हवाई यात्रु थप सुरक्षित महसुस गरेका छन् ।”

उनले कोरोनाको त्रास घट्दै गएर चितवनमा पर्यटकीय गतिविधि बढ्दै गएकाले पनि हवाई यात्रु बढेको बताए।

भरतपुरको गौतमबुद्ध अन्तर्राष्ट्रिय क्रिकेट स्टेडियममा एकै दिन राष्ट्रिय खेलाडी र कलाकार विमान चार्टर्ड गरेर क्रिकेट खेल्न आएका थिए ।

यस्ता गतिविधि बढ्दै गएमा झनै हवाई यात्रु बढ्ने प्रमुख कुँवरको भनाई छ।

कतिपय मानिसले मन्त्रालयमा एकैदिन काम सकेर फर्किन हतार भएकाले पनि हवाई यात्रा रोज्ने गरेका छन्।

भरतपुर विमानस्थलका कम्प्युटर अपरेटर उचित पौडेलका अनुसार गत वर्ष सेप्टेम्बरमा जम्मा हवाई यात्रु एक हजार ७९६, अक्टोबरमा आठ हजार ५६० र नोभेम्बरमा यो सङ्ख्या बढेर ११ हजार ७८४ पुगेको छ ।

मौसमको खराबीका कारण बेलाबेला पूर्वनिर्धारित उडानका तालिका प्रभावित भए पनि जनवरी महिनाको तथ्याङ्कले हवाई सेवा कम्पनीले राम्रो फाइदा कमाउन सफल रहेको देखाएको छ ।

बुद्ध एयर भरतपुरका प्रबन्धक भक्तबहादुर बस्नेतले चितवनमा हवाई यात्रुको संख्या बढेर पुरानै अवस्थामा फर्कन लागेको बताए ।

उनले भने, “कोरोना महामारी अगाडि कै अवस्थामा भने पुगेको छैन तर यात्रुको संख्या उल्लेख्य रूपमा बढिरहेको छ ।” उनले अहिले भरतपुरमा छ वटा बुद्ध एयरको उडान भइरहेको बताए। केही दिनअघि मात्र बुद्धले थप एक उडान भर्न शुरु गरेको हो ।

विभिन्न ठाउँमा भएका राजनीतिक दलका ठूला कार्यक्रमले पनि हवाई यात्रु बढेको उनको अनुमान छ।

माघ महिनामा मौसमका कारणले केही उडान रद्द भएकाले र बढी चिसोको कारणले केही यात्रु कम भए पनि फागुन लागेपछि झनै बढ्ने बस्नेतको भनाइ छ ।

दुईवटा उडान गर्दै आएको यती एयरलाइन्सले अहिले भरतपुरमा उडान सङ्ख्या तीनवटा बनाएको छ ।

GBIME

प्रतिक्रिया दिनुहोस्