सिंहदरबार संवाददाता
काठमाडाैं। नेपाल उद्योग परिसंघले राजधानीमा आज आयोजना गरेको ‘मेक इन नेपाल’ स्वदेशी समिटमा आफ्ना धारणा राख्दै पायोनियर ल एसोसिएट्सका अनुपराज उप्रेती भन्छन्- नेपालमा उत्पादनमूलक क्षेत्रको संभावना प्रवल छ । यदि सरकारले औद्योगिक पूर्वाधारमा आकर्षित गर्ने हो भने निश्चित समय किटान गरेर निश्चित इन्सेन्टिभ दिनुपर्छ । सेजमा सञ्चालन हुने उद्योगले निर्यात ६० प्रतिशत हुने बाध्यकारी व्यवस्था छ यो व्यवस्था समय सान्दर्भिक भयो या भएन हेरिनुपर्ने छ । नेपालमा उत्पादकत्व बढाउन ट्याक्स इन्सेन्टिभले पनि काम गर्न सकेको छैन ।
सडक विद्युतदेखि अन्य जटिल खालका पूर्वाधारमा सरकारले गरेको छ । उद्यमीले ३५ प्रतिशत पुँजी जमिनकै लागि खर्च गर्नुपर्ने बाध्यता छ । यो विषयमा परिसंघले लामो समयदेखी एडभोकेसी गर्दै आएको छ । तर कार्यान्वयनम आउन सकेको छैन । यसमा सरकारले विशेष कमद चाल्नुपर्ने देखिन्छ । छिमेकी मुलुक चीनको उदाहरण हेर्ने हो भने पनि धेरै विदेशी लगानी आकर्षित गर्न सकेको त त्यसको पक्ष नीतिगत सुधार नै हो ।
सरकारको कमिटमेन्ट र निजी क्षेत्रको सहभागिताले परियोजनाहरु सफल बन्न सक्छ । नेपालमा पनि निजी क्षेत्र र सरकारको सहकार्य गरेर जान सकियो भने एउटा मात्रै क्षेत्रलाई नभएर समग्र अर्थतन्त्रलाइ नै लाभ हुन्छ ।
प्रतिक्रिया दिनुहोस्