यसपालीको एसईइ परिक्षा जेठ १३ र कक्षा १२ को परीक्षा जेठ २६ देखि

काठमाडौं । विसं २०७७ को कक्षा १० को माध्यमिक शिक्षा परीक्षा (एसइई) २०७८ जेठ १३ देखि सञ्चालन हुने भएको छ । राष्ट्रिय परीक्षा बोर्डको बैठकले एसइई परीक्षा सञ्चालनको मिति निर्धारण गर्दै जेठ १३ गतेदेखि २४ गतेसम्म परीक्षा सञ्चालन गर्ने निर्णय गरिएको परीक्षा नियन्त्रण कार्यालय, कक्षा १० का परीक्षा नियन्त्रक रामराज खकुरेलले जानकारी दिए ।

यसअघि गत माघ २६ गते मन्त्रिपरिषद्ले गरेको निर्णयको आधारमा साविककै शैलीमा परीक्षा गर्ने गरी निर्णय गरिएको छ । बोर्डले परीक्षा मिति तय गरेसँगै प्रश्नपत्र निर्माण र परीक्षा केन्द्र निर्धारणको काम द्रुत गतिमा अघि बढाइने भएको छ । कतिपय जिल्लाले परीक्षा केन्द्र निर्धारण गरिसकेको र कतिपय जिल्लामा जारी रहेको बताइएको छ । कोभिड–१९ का कारण पठनपाठन नभएपछि यस वर्ष परीक्षा दुई महिना ढिलो हुने भएको हो । विगतका वर्षमा परीक्षा चैतमा हुँदै आएको थियो ।

बोर्डले कक्षा १२ को अन्तिम परीक्षा जेठको २६ देखि असार ४ गतेसम्म गर्ने निर्णय गरेको जानकारी दिएको छ ।रासस

Don't Miss! थप

यस कारण बन्द भैरहेका छन् अमेरिकी बैंकहरु, १५ वर्षमा साढे ४ सय बढी बैंक संकटग्रस्त

सम्पति सुद्धिकरणमा मुछियो सुर्यज्योति लाइफ, एकल बीमा लिएका बीमित पैसा फिर्ता माग्दै

बैंकिङ संकटः अमेरिकापछि क्रेडिट स्वीस बैंक संकटग्रस्त, उद्धारमा ५४ बिलियन डलर आवश्यक

बैंकका सीइओहरुको तलब/भत्ता घट्दै, राष्ट्र बैंकले थाल्यो गृहकार्य,यस्ता सुविधा समेत घटाइने

विद्युत् चोरीको कारवाही तिव्र हुँदा चुहावट ७.९९ प्रतिशतमा सीमित, कुन प्रदेशमा कति कन्ट्रोल ?

युनियन लाइफका सीइओ कर्णले हडपे अभिकर्ताको लाखौं रुपैयाँ, पीडित गुहार माग्दै प्राधिकरणमा