Shikhar Insurance

राष्ट्रपति पौडेलद्वारा संसद भवन जाँदा ‘तामझाम’ नगर्न निर्देशन

सिंहदरबार संवाददाता
२०८० जेष्ठ ५, शुक्रबार ११:४९
NIMB
Nabil Bank

काठमाडौं। राष्ट्रपति रामचन्द्र पौडेल आज (शुक्रबार) सरकारको नीति तथा कार्यक्रम प्रस्तुत गर्न संसद् जाँदै छन् । संघीय संसदका दुवै सदनलाई सम्बोधन गर्न जाने क्रममा नागरिकलाई सास्ती हुने गरी ‘तामझाम’को तयारी नगर्न राष्ट्रपतिले निर्देशन दिएको उनको सचिवालयले जनाएको छ ।

प्रेस सल्लाहकार किरण पोखरलेका अनुसार राष्ट्रपति पौडेलले कुनै तामझाम नगर्न निर्देशन दिएका छन् । सडक अवरोध हुने र नागरिकले सास्ती पाउने गरी तयारी नगर्न सुरक्षा निकायलाई निर्देशन दिएका उनको भनाइ छ ।

Citizen Life
Kumar Bank
Nepal Life

गत फागुन २५ मा निर्वाचित पौडेलले पहिलो पटक सरकारको नीति तथा कार्यक्रम प्रस्तुत गर्दै छन् । तर, सामान्य रूपमा संसद् गएर फर्कने राष्ट्रपति पौडेलको तयारी रहेको पोखरेलले बताए । ‘सडक खाली गराएर तामझाम हुँदैन । पुरानो परम्परा पूरै नमास्ने भनिरहेको छ । त्यसका लागि संसद् पुग्ने बेलामा बग्गी अगाडि लाग्छ । राष्ट्रपति निवासबाट तामझाम हुँदैन,’ उनले भने ।

GBIME

प्रतिक्रिया दिनुहोस्