Shikhar Insurance

सिटिजन्स बैंकको मोबाइल बैंकिङ एप प्रयोग गरी अब ग्राहकले चेक रोक्का गर्न सक्ने

सिंहदरबार संवाददाता
२०८० जेष्ठ ७, आईतवार १८:११
NIMB
Nabil Bank

काठमाडाैं। सिटिजन्स बैंक इन्टरनेसनलले आफ्नो मोबाइल बैंकिङ एपमा नयाँ सुविधाहरु थप गरेको छ । डिजिटल बैंकिङलाई सधैं प्राथमिकतामा राख्दै आएको यस बैंकले हाल मोबाइल बैंकिङ एपमार्फत नियमित प्रदान गर्दै आइरहेको सेवाहरुको अतिरिक्त अन्य उपयोगी सेवाहरु थप गरेको हो ।

बैंकले आफ्ना विशेष ग्राहकहरुलाई लक्षित गरी मोबाइलमार्फत प्रिभिलेज बैंकिङ सेवा सुरु गरेको छ । यस अघि बैंकले विभिन्न प्रिभिलेज काउन्टरहरु मार्फत प्रिभिलेज बैंकिङ सेवा प्रदान गर्दै आइरहेकोमा अब मोबाइल बैंकिङ एपमार्फत नै प्रिभिलेज सेवाहरु प्रदान गर्नेछ । यस सेवाअन्तर्गत ग्राहकहरुले बैंकका तोकिएका सम्पर्क अधिकृतहरुमार्फत बिना झन्झट बैंकिङ सेवा प्राप्त गर्न सकिने छ ।

Citizen Life
Kumar Bank
Nepal Life

यसैगरी बैंकले, आफ्नो एपमार्फत नेपाल पेको क्युआर सञ्चालनमा ल्याएको छ । अब बैंकका ग्राहकहरुले फोनपेका अतिरिक्त नेपाल पेको क्युआर कोडसमेत स्क्यान गरी भुक्तानी गर्न सकिने बैंकले जनाएकाे छ । यसका साथै बैंकको मोबाइल बैंकिङ एप प्रयोग गरी ग्राहकहरुले चेक रोक्का राख्नेलगायतका थप सुविधा पनि प्राप्त गर्न सिकनेछ ।

सिटिजन्स बैंककाे देशैभरि १ सय ८२ वटा शाखा, ३ वटा विस्तारित काउन्टर, १ सय ३९ वटा एटीएम, ६ वटा कियोस्क सेवा र ९७ वटा शाखारहित बैंकिङबाट सेवा प्रदान गर्दै आएको छ ।

GBIME
Wai Wai

प्रतिक्रिया दिनुहोस्