सिंहदरबार संवाददाता
काठमाडौं । आईएमई जनरल इन्स्योरेन्स कम्पनीले बीमा समितिको नाममा काटेको दुई लाख २३ हजार ७५१ रुपैयाँको दुई वटा चेक बाउन्स भएको छ ।
सिंहदरबारलाई प्राप्त विवरण अनुसार आईएमई जनरल इन्स्योरेन्स कम्पनीले नेपाल इन्भेष्टमेन्ट बैंकको दुई वटा चेक बीमा समितिलाई कोभिड बीमा दावी भुक्तानी बापत केही दिन पहिले दिएको थियो ।
१० नम्बरको खाताको दुई लाख रुपैयाँ र २३ हजार ७५१ रुपैयाँको दुई वटा चेक मध्ये दुवै चेक बाउन्स भएका हुन् । यही मार्च १४ गतेका दिन नेपाल क्लीयरिङ हाउसले नबिल बैंकलाई पठाएको नोटमा नगद मौज्दात नभएको कारणले भुक्तानी हुन नसकेको उल्लेख छ ।
प्रतिक्रिया दिनुहोस्