सिंहदरबार संवाददाता
काठमाडौं । प्रभु महालक्ष्मी लाइफ इन्स्योरेन्स लिमिटेडले संस्थापक सेयर बिक्रीमा ल्याएको छ । कम्पनीले २ जना संस्थापक सेयरधनीको नाममा रहेको ३० हजार १२० कित्ता संस्थापक सेयर बिक्रीमा ल्याएको हो ।
संस्थापक सेयरधनी विराट कुमार श्रेष्ठको नाममा रहेको २७ हजार ३७५ कित्ता र सुरेन्द्र सुवेदीको नाममा रहेको २ हजार ७४५ कित्ता सेयर बिक्रीमा ल्याएको छ ।
उक्त सेयर संस्थापक सेयरधनीहरुले आवश्यक कागजात संकलन गरी सूचना प्रकाशन भएको ३५ दिनभित्र काठमाडौंको कमलादीस्थित कम्पनीको केन्द्रीय कार्यालयमा निवेदन पेश गर्ने सक्नेछन् ।
साथै, तोकिएको समयभित्र संस्थापकहरूबाट खरिद आवेदन नपरेमा कम्पनीले कानुन बमोजिम अन्य व्यक्ति तथा संस्थाहरूलाई बिक्री गरिने जानकारी दिएको छ ।
प्रतिक्रिया दिनुहोस्