सिंहदरबार संवाददाता
काठमाडौं । धितोपत्र बोर्डले ब्रोकर कमिशन घटाएको छ । बोर्डले नियमावली परिवर्तन गरी कमिशन घटाएको हो । अर्थ मन्त्रालयले धितोपत्र व्यवसायी (धितोपत्र दलाल तथा धितोपत्र व्यापारी) नियमावली, २०६४ को नियम ४३ बमोजिम अनुसूची-१४ मा रहेको धितोपत्र दलाली वापत लिन सक्ने सेवा शुल्क परिमार्जन गरेको हो ।
परिवर्तित व्यवस्था २०८१ जेठ १ गतेदेखि लागु गर्ने निर्णय बोर्डले गरेको छ । परिवर्तित व्यवस्था अनुसार रु. ५० हजारसम्मको कारोवारमा ०.४० प्रतिशत कमिशन लाग्दै आएकोमा अब ०.३६ प्रतिशत तिर्दा पुग्छ । ५० हजारभन्दा माथी ५ लाखसम्मको कारोबारमा ०.३७ प्रतिशत कमिशन लाग्दै आएकोमा अब ०.३३ प्रतिशत तिरे पुग्छ ।
यस्तै, ५ लाख भन्दा माथि २० लाख सम्मको कारोवारमा ०.३४ प्रतिशत शुल्क लाग्दै आएकोमा अब ०.३१ रुपैयाँ कायम गरिएको छ । २० लाख भन्दा माथि १ करोडसम्मको कारोवारमा ०.३० प्रतिशत कमिशन शुल्क लाग्दै आएकोमा ०.२७ प्रतिशत कायम गरिएको छ ।
यसैगरी, १ करोडभन्दा माथि जतिसुकैको कारोवारमा ०.२७ प्रतिशत कमिशन शुल्क लाग्दै आएकोमा ०.२४ प्रतिशत कायम गरिएको छ ।
प्रतिक्रिया दिनुहोस्