सिंहदरबार संवाददाता
काठमाडौं । बीमा समितिका अध्यक्ष सुर्यप्रसाद सिलवालले २ करोड ६६ लाख रुपैयाँको गाडी चढ्ने भएका छन् । बीमा समितिले अध्यक्ष सिलवालका लागि सो मूल्यको लक्जरियस गाडी किन्ने भएको हो ।
समिति अध्यक्षका लागि आर्ड टप स्पोर्ट एसयूभी किनिने भएको हो । जुन २७५० सीसीको हुनेछ ।
जसका लागि समितिले असोज ६ गते नै बोलकवोल आह्वान गरिसकेको छ । सो बोलकवोलमा सवारी साधान आपुर्ती संघ सस्था तथा व्यक्तिले विद्युतीय बिडिङमा सहभागी हुन पाउँछन् ।
गाडीको मूल्यको ३ प्रतिशत (८ लाख रुपैयाँ) रकम बोलपत्र सेक्युरिटी रकम राखिएको छ । यसका आधारमा समितिले किन्ने गाडी करिब पौने ३ करोड रुपैयाँको हुनेछ ।
यो मूल्यका सम्भावित गाडीहरु निसान पेट्रोल, ल्यान्ड क्रुजर प्राडो, ल्यान्ड रोभर, ल्यान्ड क्रुजर, जिप र्यांगलर रुबिको र जिप केरोके लिमिटेड हुन् ।
बोलपत्रका आधारमा उपयुक्त गाडी किनिने बताइएको छ । समितिका अध्यक्षले अहिले ह्युन्डाइको ९ लटको गाडी चढ्दै आएका छन् ।
प्रतिक्रिया दिनुहोस्