सिंहदरबार संवाददाता
काठमाडौं । हिमालयन रिइन्स्योरेन्सको प्रीमियम आइपीओले इतिहास रचेको छ । हिमालयन रिइन्स्योरेन्सको आइपिओले वैदेशिक रोजगारीमा रहेका नेपालीहरुको लागि आवेदन खुलाएकोमा सर्वाधिक आवेदनको रेकर्ड हासिल गरेको हो ।
कम्पनीले वैदेशिक रोजगारीमा रहेका नेपालीका लागि मंसीर ४ गते देखि आइपीओको बिक्री खुला गरेको थियो, जसमा ३४ हजार २११ जनाले आवेदन दिएका छन् ।
वैदेशिक रोजगगारीमा रहेका नेपालीहरुका लागि खुलाईएको आइपीओमा यो नै सर्वाधिक आवेदनको रेकर्ड हो ।
यसअघि कुनै पनि कम्पनीको आइपीओमा वैदेशिक रोजगारीमा गएकाहरुमध्ये ३० हजार ३४८ जनासम्मको मात्रै आवेदन परेको थियो, जसमा १६ लाख ९० हजार कित्ता सेयर माग गरिएको थियो ।
तर हिमालयन रिइन्स्योरेन्सको ४५ लाख ८४ हजार ८१० कित्ता सेयर वैदेशिक रोजगारीमा रहेका नेपालीबाट माग भएको छ । उनीहरुका लागि आवेदन भर्ने म्याद मंसिर १८ सम्ममा आवेदन दिएका हुन् ।
हिमालयन रिले अंकित मूल्य १०० रुपैयाँमा १०६ रुपैयाँ प्रिमियम थपेर २०६ रुपैयाँका दरले आइपिओ निष्कासन गर्ने अनुमती पाएको थियो ।
कम्पनीको जारी पुँजी १० अर्ब रुपैयाँ छ । कम्पनीले चुक्ता पुजिको ३० प्रतिशत सेयर सर्वसाधारणलाई छुट्याइएको हो । यही ३० प्रतिशतबाट वैदेशिक रोजगारीमा गएकाहरुले ३० लाख कित्ता सेयर पाउने छन् । कम्पनीले आवेदनबाट आफू निकै उत्साही भएको बताएको छ।
प्रतिक्रिया दिनुहोस्