सिंहदरबार संवाददाता
काठमाडौं । महुली लघुवित्त वित्तीय संस्था लिमिटेडले संस्थापक सेयर बिक्रीमा ल्याएको छ । कम्पनीले २ जना संस्थाप सेयरधनीहरुको नाममा रहेका कूल ४४ हजार ९ सय १३ कित्ता सेयर बिक्रीमा ल्याएको हो ।
संस्थापक सेयरधनी प्रिजम कलर स्क्यानिङ्ग एण्ड प्रेस सपोर्ट प्रालिको नाममा रहेको ४१ हजार २७ कित्ता र शालिक राम बेलबासेको नाममा रहेको तीन हजार ८८६ कित्ता सेयर बिक्रीमा ल्याएका छन् ।
उक्त सेयर खरिदको लागि संस्थापक सेयरधनीहरुले आवश्यक कागजात संकलन गरी सूचना प्रकाशन भएको ३५ दिनभित्र सप्तरीको महुलीस्थित कम्पनीको केन्द्रीय कार्यालयमा आफुले खरिद गर्न चाहेको सेयर विवरणसहित आवेदन दिन सक्नेछन् । सेयरको मूल्य बिक्रेताले तोकेबमोजिम हुने कम्पनीले एक सूचना मार्फत जानकारी दिएको छ ।
साथै, तोकिएको समयमा सेयरधनीहरुबाट आवेदन नपरेको खण्डमा कम्पनीले कानुन बमोजिम अन्य व्यक्ति वा संस्थालाई बिक्री प्रक्रिया अगाडी बढाउने सूचनामार्फत जानकारी दिएको छ ।
प्रतिक्रिया दिनुहोस्