सिंहदरबार संवाददाता
काठमाडौं । आइएमई लाइफ इन्स्योरेन्सले आर्थिक वर्ष २०७९/८० को मुनाफाबाट लगानीकर्तालाई वितरण गर्ने भनेको लाभांश संशोधन गरेको छ ।
कम्पनीले यस अघि ३५ प्रतिशत लाभांश दिने निर्णय गरेर नेपाल वीमा प्राधिकरणमा अनुमतिका लागि पठाएको थियो । नेपाल वीमा प्राधिकरणले उक्त लाभांश बितरणका लागि योग्य नभएको भन्दै बितरण रोकेको थियो ।
प्राधिकरणले लाभांश वितरणको अनुमति नदिएपछी कम्पनीको वैशाख १९ गते बसेको सञ्चालक समितिको बैठकले सेयरधनीहरूलाई दिने भनिएको लाभांशमा संसोधन गरी २६.३१५८ प्रतिशत (कार सहित) लाभांश वितरण गर्ने घोषणा गरेको हो ।
कम्पनीले हाल कायम चुक्ता पुँजी ४ अर्ब रुपैयाँको २५ प्रतिशत बोनस सेयर र १.३१५८ प्रतिशत नगद लाभांश (कर प्रयोजनका लागि) दिने प्रस्ताव गरेको हो ।
उक्त लाभांश नियामक नेपाल वीमा प्राधिकरणबाट स्वीकृत भई कम्पनीको आगामी साधारण सभाबाट पारित भएपछि मात्र सेयरधनीहरूले पाउँनेछन् ।
प्रतिक्रिया दिनुहोस्