सिंहदरबार संवाददाता
काठमाडौं । गाडि आयात बन्द गर्ने सूचना चुहाएको आरोप प्रत्यारोप उत्कर्षमा रहेका बेला सरकारले गाडी आयात रोक्ने निर्णय बल्ल गरेको छ । गाडिको एलसी काण्डबारे अर्थमन्त्री जनार्दन शर्मा र नेपाल राष्ट्र बैंकका गभनर्रबीच सूचना चुहाएको आरोप प्रत्यारोप चलिरहेका बेला सरकारले बल्ल औपचारिक निर्णय गरेको हो ।
सरकारले गाडिसँगै १० प्रकारको वस्तुको आयात बन्द गरेको छ । बुधबार बिहान राजपत्रमा सूचना प्रकाशित गर्दै सरकारले आयात रोकेको हो ।
सूचना अनुसार अनुसार गाडिसँगै २५० सीसीभन्दा ठूला मोटरसाइकल, खेलौना, तास, ३२ इन्चभन्दा ठूला रंगिन टेलिभिजन, मोबाइल, हिरा, चुरोट सुर्ती, रक्सी, कुरकुरे लेज को आयात बन्द भएको हो ।
राजपत्र अनुसार वैशाख १३ गतेभन्दा अघि बैंकमा एलसी खोलेको वस्तुको आयात भने नरोकिने उल्लेख छ ।
प्रतिक्रिया दिनुहोस्