सिंहदरबार संवाददाता
काठमाडौं । सरकारको नीति तथा कार्यक्रम आएको भोलिपल्ट नेप्से परिसूचक बढेको छ । साताको तेस्रो कारोबारका दिन नेप्से १४.३७ अंकले बढेर २२ सय ३१.५७ को बिन्दुमा आएको हो ।
आज २२६ स्क्रिप्टका २६ लाख ९४ हजार ४२९ कित्ता सेयर १ अर्ब ४ करोड ४६ लाख २६ हजार रुपैयाँमा खरिदबिक्री भए । नेप्से बढे पनि अघिल्लो दिनको तुलानामा ४ करोड रुपैयाँ कमको कारोबार भएको छ ।
बुधबार कारोबारमा आएका १४८ कम्पनीको सेयर मूल्य बढ्दा ३९ कम्पनीको घटेको छ भने ५ कम्पनी स्थिर रहेका छन् ।
कारोबार रकमको आधारमा अपर तामाकोशी हाइड्रोपावर शीर्ष स्थानमा रहेको छ । कम्पनीको ८ करोड ३४ लाख ८ हजार रुपैयाँको सेयर खरिदबिक्री भए । त्यसैगरी अरुण काबेली पावर ४ करोड ७१ लाख ६८ हजार, नबिल बैंक ३ करोड ४४ लाख ८५ हजार, अरुण भ्याली हाइड्रोपावर २ करोड ८८ लाख ११ हजार र अपि पावर कम्पनी २ करोड ५६ लाख ८७ हजार रुपैयाँको कारोबार सहित शीर्ष पाँच भित्र रहेका छन् ।
त्यसैगरी सबै समूहगत उपसूचक बढेका छन् । सबैभन्दा बढी व्यापार समुह १.५३ प्रतिशतले बढेको छ ।
बुधबार बलेफी हाइड्रोपावर कम्पनीका सेयरधनीहरुले सर्वाधिक ५.९२ प्रतिशतले कमाएका छन् । त्यसैगरी मैलुङ खोला जल विद्धुत कम्पनीकाे सेयर मूल्य ५.८४ प्रतिशत, सिंङगटी हाइड्रोको ५.३३, गुँरास लघुवित्त वित्तीय संस्थाको ५.२२ र नेपाल इन्स्योरेन्सको ४.२४ प्रतिशतले बढेका छन् ।
आजको सेयर कारोबार पछि बजार पुँजीकरण ३१ खर्ब ७४ अर्ब ६६ करोड ७७ लाख १४ हजार रुपैयाँ कायम भएको छ ।
प्रतिक्रिया दिनुहोस्