सिंहदरबार संवाददाता
काठमाडौं । मूल्य घटाउने नेपाल आयल निगमको निर्णय एक साता नबित्दै फिर्ता भएको छ । अर्थ मन्त्रालले प्रतिबद्धता मात्र गरेर मुल्य घटाउन दबाब दिएपनि प्रतिबद्धता अनुसार सहुलियत नदीएपछि निगम तेलको भाउ बढाउन बाध्य भएको हो ।
अर्थमन्त्री जनार्दन शर्माले पूर्वाधार कर बराबरको मूल्य कर छुट दिने बताएपछि निगमले तेलको भाउ घटाएको थियो । तर, मन्त्री शर्माले बोलिलाई व्यवहारमा नउतार्दा आजै रातिदेखि पेट्रोको भाउ प्रतिलिटर ८ र डिजेल तथा मट्टीतेलको भाउ १२-१२ रूपैयाँले बढेको हो ।
मन्त्री शर्माले बजेट भाषणका क्रममा मौखिक रूपमा तेलको मूल्य समायोजन गर्ने प्रतिबद्धता गरेका थिए भने भोलिपल्टै मन्त्रालयमा गरिएको कार्यक्रममा पुर्वाधार कर बराबरको छुट दिएने बताएका थिए । सोही आधारमा निगमले गत बिहीबार घाटा खाइखाइ तेलको भाउ १० रूपैयाँ प्रतिलिटर घटाएको थियो । तर, बोली व्यवहारमा नउत्रेपछि निगम भाउ बढाउन बाध्य भएको हो ।
नयाँ मूल्य अनुसार पेट्रोल प्रतिलिटर १७८ तथा डिजेल र मट्टीतेल १६५ रूपैयाँ पगेको छ । 
प्रतिक्रिया दिनुहोस्