सिंहदरबार संवाददाता
काठमाडौं । ललिता निवास जग्गा प्रकरणमा पक्राउ परेकाहरुलाई धरौटीमा छोड्न अदालतले आदेश दिएको छ । पक्राउ परेकाहरुमध्ये एक जनाबाहेक सबैलाई जिल्ला अदालत काठमाडौंले धरौटीमा छाड्ने आदेश दिएको हो।
पक्राउ परेका व्यवसायी मीनबहादुर गुरुङसँग जिल्ला अदालतले २ करोड ४६ लाख रुपैयाँ धरौटी माग गरेको छ । आइतबार न्यायाधीश भोलानाथ ढकालको इजलासले उनलाई धरौटीमा रिहा गर्ने आदेश दिँदै २ करोड ४६ लाख रुपैयाँ धरौटी माग गरेको हो ।
बालुवाटारस्थित ललिता निवासको जग्गा व्यक्तिको नाममा नामसारी गरेको अनियमितता प्रकरणमा जिल्ला सरकारी वकिल कार्यालयले सरकारी कागजात किर्ते आरोपमा मुद्दा चलाएको थियो ।
अदालतले साेहि मुद्दमा पक्राउ परेका केशव तुलाधरलाई भने सामान्य तारेखमा छाड्न आदेश दिएको छ ।
यो प्रकरणमा व्यवसायी मीनबहादुर गुरुङ, पूर्व निर्वाचन आयुक्त सुधीरकुमार शाहलगायतका व्यक्तिहरु पक्राउ परेका थिए ।
प्रतिक्रिया दिनुहोस्