सिंहदरबार संवाददाता
काठमाडौं । भ्रष्टाचार मुद्दमा सफाई पाएसँगै मधु मरासिनी अर्थ सचिवमा फर्किएका छन् । सचिव मरासिनीलाई प्रधानमन्त्री तथा मन्त्रिपरिषद कार्यालयले अर्थ सचिवमा सरुवा गरेका हो ।
हालका अर्थसचिव डा. कृष्णहरि पुष्करलाई प्रधानमन्त्री तथा मन्त्रिपरिषदको कार्यालयमा सरुवा गरिएको छ ।
सोमबार बसेको मन्त्रिपरिषद बैठकले सचिव मरासिनिलाई अर्थ सचिव बनाउने निर्णय गरेको हो । नेश्नल पेमेन्ट गेटवे खरिदमा बजेटमै नभएको रकम अर्थ सचिवलाई समेत जानकारी नदिई बजेट विनियोजन गरेको भन्दै अख्तियार दुरुपयोग अनुसन्धान आयोगले मुद्दा दर्ता गरेको थियो । सो मुद्दामा विशेष अदालत काठमाडौंबाट सात महिनामै फैसला निकाल्दै मरासिनी निर्दोष ठहर भएका थिए ।
२०८० असोज १५ गते मुद्दा दर्ता हुदाँ उनी वाणिज्य सचिव रहेका थिए । सचिव नियुक्त भएसँगै मरासनीले निलम्बन अवधिको तलब सेवा सुविधा समेत प्राप्त गरेका छन् ।
प्रतिक्रिया दिनुहोस्