चीनले १० लाख डोज भेरोसेल खोप अनुदान दिने

सिंहदरबार संवाददाता
२०७८ जेष्ठ १२, बुधबार १८:३१

काठमाडौं । चीनले नेपाललाई १० लाख डोज खोप अनुदानस्वरूप दिने भएको छ । सिनोफार्म कम्पनीले उत्पादन गरेको भेरोसेल खोप दिने घोषणा बुधबार दिउँसो चिनियाँ राष्ट्रपति सी चिनजिङले गरेको नेपालका लागि चिनियाँ राजदूत होउ यान्छीले जानकारी दिइन् ।

चीनले यसअघि पनि नेपाललाई ८ लाख डोज खोप सहयोग स्वरुप दिएको थियो। चीनले उक्त १० लाख डोज खोप तत्कालै उपलब्ध गराउने जानकारी समेत दूतावाशले गराएको छ ।

आज दिउँसो राष्ट्रपति विद्यादेवी भण्डारीले चिनियाँ समकक्षी सी चिनफिङसँग झन्डै पौने घन्टा टेलिफोन वार्ता गरेकी थिइन्। उक्त टेलिफोन कुराकानी गरेलगत्तै चिनियाँ राष्ट्रपतिले १० लाख डोज भेरोसेल खोप अनुदान दिने घोषणा गरेका हुन् ।

प्रतिक्रिया दिनुहोस्