सिद्धार्थ इन्स्योरेन्सले लगानीकर्तालाई ९.४७३७ प्रतिशत नगद लाभांश वितरण गर्दै

सिंहदरबार संवाददाता
२०७९ कार्तिक ३०, बुधबार ११:१५

काठमाडौं । सिद्धार्थ इन्स्योरेन्सले गत आर्थिक वर्षको सञ्चित मुनाफाबाट आफ्ना सेयरधनीलाई वितरण गर्ने लाभांश घोषणा गरेको छ । कम्पनीले आव २०७८÷०७९ को मुनाफाबाट सेयरधनीलाई ९.४७३७ प्रतिशत लाभांश वितरण गर्ने घोषणा गरेको हो ।

कात्तिक २९ गते बसेको कम्पनीको संचालक समितिको बैठकद्वारा गत आवको मुनाफाबाट सो लाभांश प्रस्ताव गरेको हो ।
प्रस्तावित लाभांश हाल कायम रहेको चुक्तापुँजी १ अर्ब २८ करोड रुपैयाँको ९.४७३७ प्रतिशतले हुन आउने रकम १२ करोड २० लाख २१ हजार रुपैयाँ नगद लाभांश (कर सहित) रहेको छ ।

उक्त लाभांश नियमक निकाय बीमा प्राधिकरणबाट स्वीकृत भएपश्चात् कम्पनीको आगामी वार्षिक साधारण सभाबाट पारित भई प्रिमियर इन्स्योरेनससँगको मर्जर पश्चात एकीकृत कारोबार भएपछि शेयरधनीहरुमा वितरण हुनेछ ।

प्रतिक्रिया दिनुहोस्