दसैंअघि नै रिलायन्स स्पिनिङ मिल्सको सेयर किन्न तयार रहनुस्…

पवन गोल्यान
२०७८ बैशाख २६, आईतवार १८:३१

आफुलाई उद्यमी मात्रै बताउने पवन गोल्यानको २५ वर्षदेखि चलिरहेको धागो मिल छ, त्यो रिलायन्स स्पिनिङ मिल्स हो । तर, कोभिडको दोस्रो लहरका माझ उनको उद्योग पनि प्रभावित बनेको छ । उत्पादनमा सामान्य कमी भएपनि उनको उद्योगको उत्पादन थोरै मात्र घटेको छ । रिलायन्स नेपालको सबैभन्दा ठूलो निर्यातमुलक उद्योग हो । रिलायन्स सबैभन्दा धेरै रोजगारी दिने उद्योगमध्ये पर्छ ।

प्रस्तुत छ, कोरोना कहर, न्युनतम पारिश्रमिक तथा रिलायन्स स्पिनिङ मिल्सबारे सिंहदरबारले उनै गोल्यानसँग गरेको कुराकानी ।

– महंगी बढेकाले न्यूनतम पारिश्रमिक बढाउनुपर्ने आवश्यकता छ । तर, न्यूनतम पारिश्रमिक कन्जुमर इन्डेक्स हेरेर बढाउनुपर्छ ।
– तराईमा १५ हजार रुपैयाँ पर्याप्त होला, काठमाडौंमा छैन ।
– न्यूनतम पारिश्रमिक कन्जुमर इन्डेक्ससँग गाँसिदिए, कुर दरले बढ्नुपर्ने स्वतः थाह हुनेथियो ।
– कन्जुमर इन्डेक्सको तथ्यांक नेपाल राष्ट्र बैंकसँग छँदै छ र
– तर, जति पारिश्रमिक बढाइयो । बढी वा घटी हैन, ठीक्क बढाइएको बुझाइ मेरो छ ।
– उद्योग–व्यवसायका लागि कोरोनाको दोस्रो लहरले पहिलो लहरको भन्दा असहज स्थिति जन्माएको छ ।
– संयमता अपनाएर चलाउँदा कोभिडका कारण हाम्रो उद्योगको उत्पादन ७० प्रतिशतले घटेको छ ।
– कोभिडले अवसर पनि बढाएको छ । विदेशमा उद्योग बन्द हुँदा हामीलाई धेरै उत्पादन गरेर निर्यात बढाउने अवसर थियो ।
– नेपालमा लजिस्टक्स लागत बढी छ, त्यसमा पनि सबैभन्दा बढी बिराटनगरको हो ।
– धागो उत्पादनमा ३० प्रतिशतदेखि ७० प्रतिशतसम्म मूल्य अभिवृद्धि (भ्याल्यु एड) हुन्छ ।
– नेपालमा कटन (रुवा) खेती गर्न सम्भव छ । त्यसको लागि हामी लबिङ गर्नेछौं । तर, सिन्थेटिक बनाउन भने सम्भव छैन ।
– रिलायन्स धागो मिलले पनि १ वर्षभित्र कटनबाट धागो बनाउन थाल्छ ।
– दसैं तिहारसम्म रिलायन्सको सेयर पनि जारी गर्ने छौं, त्यो पनि बुक बिल्डिङ मेथडबाट ।
– सेयर जारी गर्न केही वित्तीय परिसूचक हेर्नुपर्ने हुन्छ । २५ वर्षदेखि चलेको कम्पनीको सबै विवरण ठीक छ । कोभिडको महामारीका माझ पनि ७०–८० प्रतिशत क्षमता उपयोग गरिरहेका छौं ।

प्रतिक्रिया दिनुहोस्