सिंहदरबार संवाददाता
काठमाडौं । राष्ट्रिय सभाका सांसद भुवनबहादुर सुनारले गोरखकाली रबर उद्योग तत्काल सञ्चालनमा ल्याउन सरकारसँग माग गरेका छन् । शुक्रबार राष्ट्रिय सभा बैठकमा प्रदेश सरोकार समयमा बोल्दै उनले पालुङटार विमानस्थल पनि सुचारु गराउन सरकारलाई दबाब दिएका हुन् ।
उनले बुढीगण्डकी जलविद्युत आयोजनाको काम अघि बढाउन ढिलाई भएको भन्दै आपत्ति समेत जनाएका हुन् । सांसद सुनारले गण्डकी प्रदेश अन्तर्गत रहेको पोखरा पर्यटकीय नगर हेर्न पनि सबैलाई आग्रह गरे । उनले जडिबुटीको पनि भण्डारको रुपमा रहेको सो प्रदेशको विकासमा लगानी बढाउने काममा पनि सरकारले ध्यान दिनुपन बताए ।
सांसद सुनारले भने ‘गोरखकाली रबर उद्योग र पालुङटार विमानस्थल अहिले बन्द अवस्थामा छन् । त्यसलाई चाँडो भन्दा चाँडो सञ्चालनमा ल्याउन माग गर्दछु ।’
न्युज एजेन्सी नेपाल
प्रतिक्रिया दिनुहोस्