सिंहदरबार संवाददाता
नेपाल फाइनान्सियल रिपोटिङ सिस्टम (एनएफआरएस) को कार्यान्यन्वयमा अग्र स्थानमा बैंकिङ क्षेत्र रहेको छ । यसको कार्यान्वयनमा आइपरेका समस्या समाधानमा आइक्यानले महत्वपूर्ण भुमिका निर्वाह गरेको छ । जसले गर्दा नेपालको बैंकिङ क्षेत्रका वित्तीय विवरणहरु अन्तर्राष्ट्रिय स्तरका परिस्कृत हुँदै गएको छ ।
संस्थाहरु थप पारदर्शी र जिम्मेवार हुँदै गएको छ । देश भित्रबाटै कतिपय संस्थाहरुले उत्कृष्ट वित्तीय विवरण प्रकाशित गर्ने संस्थाको अवार्ड पाइरहेको छ । यसले आइक्यानको भुमिका बैंकिङ क्षेत्रमा धेरै महत्वपूर्ण र सराहनीय हुँदै आएको प्रष्ट हुन्छ ।
जोखिको बिषय हरेक क्षेत्र र ठाँउमा हुन्छ । आइक्यानको सदस्यहरुमा जोखिमको विषय अझ बढी हुन्छ । लेखा परिक्षण गर्ने एकाउण्टेडहरुमा विभिन्न रिक्स मध्ये साइनिङ रिक्स मुख्य हो । हामीले बैंक व्यवस्थापनलाई बढी जिम्मेवार बनाउन खोज्छौं । त्यो जिम्मेवारीले लेखा परिक्षकहरुको साइनिङ रिक्स घटिरहेको छ ? कसैले कही केही गल्ती भेटाएमा व्यवस्थापन कै गल्ती थियो यसमा अडिटरको केही गल्ती थिएन भन्छ ? अर्थात् यो संस्थाको इज्जतमा प्रत्येक लेखा परिक्षकको प्रत्येक हस्ताक्षरहरु जोडिएका हुन्छन् । वित्तीय क्षेत्रको लिडरसीपको भुमिकामा रहेको कारणले पनि लेखा परिक्षकको हस्ताक्षरको महत्वबारे मैले यहाँ प्रष्ट्याएको हुँ ।
फाइनान्सियल सेक्टरमा पेस हुने प्रत्येक मार्गनिर्देशनहरुमा लेखा परिक्षकको महत्वपूर्ण भुमिका हुन्छ । जसमा हामीले चालुपुँजी कर्जा मार्गनिर्देशन ल्यायौं । त्यसमा ब्यापक बिरोध प्रतिरोध छलफलहरु भए । त्यो मार्गनिर्देशनमा सबैभन्दा बढी योगदान गर्ने संस्था भनेको यही आइक्यान र यहाँका सदस्यहरु नै हुन् । त्यो मार्गनिर्देशनमा आइक्यानले भन्दा बढी कसैले पनि बोल्न सक्दैन । त्यो मार्गनिर्देशनले लेखा परिक्षकहरुलाई थप जिम्मेवारी दिएको छ ।
त्यो मार्गनिर्देशनको मुख्य आशय भनेकै वित्तीय स्रोतको उपयोग गलत ठाँउमा नहोस् भन्ने नै हो । वित्तीय स्रोतको अनुपयोग हुने वित्तिकै त्यसले धेरै प्रकारका समस्याहरु निम्त्याउँछ । पहिलो भनेको आन्तरिक उत्पादन हामीले सोचेअनुसार बढ्नु पाउँदैन । अनुपयोग गर्ने व्यक्ति नै भोलीको दिनमा फस्न सक्छ । यसकोबीचमा काम गर्ने लेखापरिक्षकहरुको ठुलो भुमिका रहन्छ ।
चालुपुँजी कर्जाको सही उपयोग भइरहेको छ वा छैन । त्यो ऋणीलाई पुँजी, नेटवर्कले जस्टिफाइ गरिरहेको छ वा छैन भन्ने विषय लेखा परिक्षकहरुले राम्रोसँग हेर्नु होला भन्ने आशा गरेका छौं । यस बिषयमा पनि लेखा परिक्षकको साइनिङ रिक्सको कुरा आउँछ भने संस्थाको इज्जतको पनि जोडिन्छ । व्यक्तिगत भन्दा संस्थागत इज्जतको कुरा बढी महत्वपूर्ण हुन्छ । हामी सबैले आ–आफ्नो ठाँउबाट आफ्नो जिम्मेवारी पुरा गयौं भने एउटा व्यवसायी वा ग्राहकलाई मात्र नभएर देशको अर्थतन्त्रलाई सहयोग गरेका हुन्छौं ।
नेपाल चार्टर्ड एकाउन्सेन्ट्स संस्था (आइक्यान)को २६औं वार्षिक उत्सव कार्यक्रममा नेपाल राष्ट्र बैंकका गभर्नर अधिकारीले राखेको मनत्व्यको सम्पादित अंश
प्रतिक्रिया दिनुहोस्